'T programma mit de Karneval in Mhèèr
Vriedig
Miestal un rustig begin van dees vief gekke daag. Es iersjte gunt veer nao de allerklingste keender in de sjoel. Precies good um die sjpiere un kleen bietsje aan ut wirrek te zette, un bitsje opwerming zik mer. En van dao oet gunt veer deur nao een deel van de owste inwoeners van ut durrep bie in Harmony. En van dao oet wer truk nao de sjoel, dit kier
waal bie de get groetere keender van de basissjoel.
In de aovendoore gunt veer dan vanaf aach oor ech good an de geng mit ing receptie veur ozze nuuije preens en/of preenses en de Ow Wieverbal. Dus sjtreupt uch get ow-oma of –opa kleeijer um ut lief en koomt gezellig mit oos de iersjte polonaises loope van dees vief gekke daag. En wèè wit, mesjie wint deer waal ing van de pries die op deen aovend oetgereikt weere.
Zotterdig
Op zotterdig hoeve veer es Raod pas in der noamiddag present te zieje. Veer wurde dan verwach op ut gemeentehoes, oe de mach veur de komende drie daag euvergedraage
wurdt an der gemeenteprins. Miestal gèèt dit gepaard mit inge gaanse hoop kolder, sjpass en gezelighèèd.
’s Aoves verwachte veer uch dan in der café, dao kint deer uch opgeëve veur der optoch. Ut maakt neet oet of deer mit inge gaanse groete groep zet, of deer unne waagel hubt of gewoen unne loopgroep, of dat deer mesjien mer alling gaot, eederèèn is welkom in der optoch, want wie meer luuij, wie mier plezeer! Verget es deer uch koomt opgeeve neet het insjriefformuleer dat deer in de Sjravelerregezit truk kint veende in te vulle, dat hubbe veer neudig om alles good te règele en verzekkere. Veer zurrege der daan veur dat veer op dizzen aovend der leuper veur uch oetrolle en dan krieg deer ooch te huure welke nommer deer in der optocht hubt!
Zoondig
Altied der lestigste daag um oet ut bed te sjtappe, waant ut is dan nog zo vreug... meh pesjtoer verwach oos dan um hof tieën (!) iggen mis. Efkes sjtil sjtoe bie alles wat in dees
gekke daag diks vergette wurd, deenke an alle eëllend in der wèèlt, an de kraanke luuij en de luuij die oos al zunt veur gegange. En diks dich ooch bedeenke wie good veer ut hubbe en wie sjiek ut is dat veer hie in dit klèè durrep nog vief daag Karneval veere mit zoveul luuij saame! Nao de mis trikke veer es Raod same mit alle oad (jeug)preense en preensesse en un dèèl aander genuujde nao der zaal veur un sjtevig ontbijt mit sjpek en ei. Dat is ooch hel neudig, waant ut wurd nog inge lange daag! 
En dan hub veer euverdrach van de macht, want op zondig is ut der daag van de keender! Der jeugpreens(es) geet de rest van der daag veurop. Saame mit de kapel gunt veer hum (of heur) uurs afhoole bij hum hèèm. Van dao oet gunt veer dan bie 2 van de oudste inwoeners van Mhèèr langs um hun te decoreren. Daonao trikt de polonaise wer truk nao der zaal oe veer gewoen wier gunt met feeste. Saame mit Sven Ohne Girls make veer sjpass bis in de late oore.
Mondig
Der mondig is toch wel der sjoenste daag van der Mhèèrder Vastenaovend. Der daag dat de preense en/of preensesse boëve op der waage sjteunt te sjtraole, der confetti deur de sjtraote dwarrelt en der optocch wie een groet lint deur ut durrep trikt. Ut is altied unne race um op tied gesjminkt en aangedoe te zie, der waage klaor te hubbe en ooch nog te zurrige veur eëte en draank veur tiedens der optoch, meh deer hubt alle veurgaonde jaore laote zie dat deer dat hiel good kint, dus veer gunt dervan oet dat veer ooch dit jaor wer um precies illuf op ing der iersjte waage op gieng kinne sjeete! En nao der optoch brik natuurlijk un hiel sjpannend moment aan, waant iedereen hoept dat
heer mit ziene groep of waage unne uursjte pries gemakt had. Veer zulle in der zaal afroope wee dee felbegeerde uursjte pries dit jaor gewonne hat en dan proosten veer ooch
saame mit alle luuij in der zaal op hun euverwinning! Dus es deer nog get mot boewe: doot extra good eur bis en missjien gaot deer dit jaor dan waal mit der groete ier van sjoenste waage/groep/einzelgenger/... noa hèèm. En van nao hèèm goe te kalle: deer hoeft niet direkt nao der optoch weer der zaal oet, veer
kriege nog optreijes van Roy Selder en van La Bamba, dus deer kint zekker nog get daanse, polonaise loope en uch get dreenke!
Densdig
Der litste daag alwer. Unne daag dat veul luuij va Mhèèr de Sjtadshaag aaf sjravelle um in Voere noa der optoch te gaon kieke. Hie in ut durrep is dèè daag uvverdaag niks te doe pus roond un oor af aach in der aovend. Waant dan gunt veer nog èène kier good der tegenaan. Saame mit Marleen Rutten gunt veer der veur zurrege dat ut daak der nog eene kier aafgèèt !
En dan es ut twelluf oor is, trikke veer toch ech wer der sjtekker oet dis Karneval. De mutsje en medailles weere afgedoe en veer dunt ut leech van dees Karneval oet. En dan dreenke veer oos nog get saame en kieke veer weer teruuk op ing fieng en gekke Karneval in Mhèèr. Veer zigke tegenèèn: bedaank veur dees sjoen daag en veer zient os ut volgend jaor wer hie. Zelfde tied, zelfde plaatsj!