Filmke mit W-Dreej i Mhèèr
Dit is ut filmke dat veer same mit W-Dreej hubbe opgenoëme. Ut hat gedeent es aankondiging vur W-Dreej bie de finale van ut LVK in Merregraote.
Die van d'r Durpskroniek houwe une veuroetzeende blik op ut LVK. Oe ze same dat filmke mit gemak hubbe, W-Dreej, hubbe ut LVK gewonne. En op d'r roeje leuper sjtonge zie, verklejd es W-Dreej um foto's te make same mit ut publiek. Die foto's kint deer belore es deer hie klikt.
CD Sjraveleriej
De CD Sjraveleriej is te kaop vur vief euro bie Café Quanten of bie de lede van d'r Raod van Illuf
Deer kint ze och via dis saajt besjtille: mail nao info@desjravelerre.nl
|
||||||||||||||||||||||
|
||||||||||||||||||||||
|
Mier artiekelkes...
|
||||||||||||||||||||||
|
<< Start < Vurrige 1 2 3 4 5 6 7 8 9 10 Vollegende > Litste >> |
||||||||||||||||||||||
| Pagina 1 van 23 | ||||||||||||||||||||||
Kommende zotterdig zal os Daansmarieke Celine heur bitste bèèn veurzitte op ut Belsj Kampioensjap in Kelmis. Ut zal dao motte daanse es Solo-daansmarieke en twie kier mit d'r groep. Och breurke Jarno is vur dit Belsj Kampioensjap gekwallifisseerd. Och heeë daanst solo en twie kier mit ziene groep. De Sjravelerre zunt bezeunder gruuëtsj dat die twie de Sjravelerre-ier op ut Belsj wer hoeg gunt houwe. Wèè wit wat dat allemaol gèèt bringe. Deer kint de prestaassies van Celine en d'r Jarno op ut BK vollege via os Twitter-akount. Klik daoveur op dat blauw kuuke hieneeëve. Hub deer zeen en tied um Celine en Jarno aan te goe moedige in Kelmis (zoe wiet is dat neet) da vollege hie de tieje:
Ut uvverlèèje van d'r Frans Willems, pap van ozze Preens René d'r Driejde hat natuurlik ziene sjaduw uvver de Mhèèrder Vastenaovend heen gelaag. Mè oondaanks dat kin v'r toch kalle van ing gesjlaagde Karneval. Preens René III hat, gaans in d'r gèès van ziene pap, zieng taak es Preens Karneval va Mhèèr volbraach op ing maneer oe veer alling mer respek vur kinne hubbe. En JeugPreens Juul I hat neet alling de jeug va Mhèèr veurgegange, mè och, mit getieje, es d'r Groete Preens effe wegwor um begriepelikke rèèje, de groete Sjravelerre an de geng gezat. En de luuj va Mhèèr hubbe dat och hiel good gevoonde. Alle daag wor ut hiel druk en gezellig, en zoe huurt de Vastenaovend och te zie. Mit ing hiel gesjlaagde Ow Wieverbal, unne sjoene zotterdig mit ut insjrieve vur d'r optoch, unne prachtige keendermiddig op zoondig, unne manjefieke optoch op mondig en ing gezellige aafsjleting op densdig, kin veer truukkieke op ing hiel goj Karneval 2012.
Veer keeëme sjuus truuk van ut Kraankebezeuk op gonsdigmiddig, wie ut dreuvige berich binnekeem: d'r pap van Preens René III is uvverlèèje. Éé seempel tillefeuntsje dat eensjloog wie ing bom. Hee wor al èè paar daag sjlèèch, en veer heelte al rekkening mit ut ergste, mè es dat nuujs dan werkelik kump, kump dat toch hiel hèèl aan. Nao unne hiele lange lijdesweeëg mit hiel vööl pieng is hee noe an ut einde van dèè weeëg gekomme. Lot ut os allemaol tot truuës zieje dat an al die pieng van d'r Frans noe un einde is gekomme. D'r Frans wor dúr groete motivator vur d'r René um dit jaor Preens van Mhèèr te were. D'r René wor al kunning van de sjutteriej, mè d'r Frans woelt um onnoch Preens va Mhèèr zie were. Dèè weunsj hub veer um kinne woermake. En veer zunt bliej dat veer dat hubbe kinne doe vur d'r René en vur d'r Frans en natuurlik och vur zieng mam Mieke. D'r Frans is jaorelaank bie d'r Raod van Illuf gewes en in de periode dat ut mit de Sjravelerre sjlèèch ging, eind jaore sèèstig, doe wor d'r Frans ène van de kartrikkersj die de Karneval i Mhèèr dur dat deep dal hat getrokke zoedat de Mhèèrder Vastenaovend zow blieve besjtoe. Doa kinne veer um noe hiel daankbaar vur zie en dat zunt v'r och. 
Preens René d'r Driejde hat besjlooëte, in nou uvverligk mit zieng famillie, um toch zoeveul mögelik en es de situaassie ut toelut en es heeë zelf zich dao good bie veult, toch es Preens Karneval i Mhèèr veur te goe in de Vastenaovend. Gaans in d'r gèès van ziene pap, d'r Frans, zal heeë es Preens uvver ut Sjravelerre-riek regere. Heeë is zich d'rvan bewus dat dis besjlissing hie en dao get weenkbrauwe zal doe froonse, mè heeë lut hiemit d'r weunsj van ziene pap en och van zieng mam in vervulling goe. D'r Frans wor d'r allergroetste veursjtander d'rvan dat d'r René dit jaor Preens va Mhèèr zow were, oondaanks de situaassie hèèm. Heeë woelt ziene enigste zoeën neet alling Kunning van de sjutteriej zie were mè och nog Preens Karneval. Allebei is dat gelukt en noe wie d'r Frans d'r neet mie is, vind d'r René dat heeë dit karwei mot aafmake, sjuus zoewie ziene pap dat gewild how. En dat gèèt è doe mit d'r sjteun in d'r ruk van d'r Raod van Illuf en è hoopt daobie och op d'r sjteun van ut gaanse Sjravelerre-riek. De Karneval i Mhèèr zal dus gewoeën deurgoe zoewie altied. Ut gaanse program zal gevolgd were sjuus zoewie dat och geplend wor. Kint dus alling gebööre dat d'r Preens op un aantal memèènte neet d'rbie is en dat is, teunks os, gaans begriepelik. Dus ich zow zigke, lot veer ozze Preens bie de haand pakke en um dur dizze meujlikke tied heeën sjlèpe ! Vur hem zelf, mè och vur d'r Frans.
Bitste Sjravelerre: Deenkt deer draan dat deer uch opgieft vur d'r Groete Optoch ? Dat kin via ut insjriefformeleer op de websaajt of in de Sjravelerre-Gezit. Op Karnevalszotterdig zal d'r notaris driej kiere sjpreeëk-oor houwe um te lore of alles och wal volleges de règelkes klopt. Um illuf op neuëge, illuf op tieën en illuf op illuf is d'r notaris besjikbaar um eur insjrievinge in ontvangs te neëme, booëve op d'r bieljart in Kaffie Quaante. En wie dat gebruukelik is, zal hee dan hiel sjtreng toezie of alles ordèèntelik verlupt.Twittere ?
Volg de Sjravelerre via Twitter:
Klik op dat blauw kuuke !
(ut wurd bieëstig veul getwittert d'r litste tied, dat blauw kuuke wurd harsjtikke dööl..., kuukendööl!)
Preens René III
JeugPreens Juul I
