Leeës ut litste nuujs in de Sjravelerre Gezit. Deer kint ze hie onlajn leëze.
Klik op ut logo um d'r nuuje sjlager: "D'r Hoesbèèrg" te downloade.
Op zoondig 22 november hubbe Preens Matthijs mit JeugPreens Damien, vergezeld van hunne wieze Raod van Illuf, èè bezeuk gebraach an d'r Karnevalsmatinee van de Harmeniej. Dao woerd os è prachtig programma veurgesjotteld mit meziek, kolder en flauwe köl. Op de foto kint deer zie dat Preens Matthijs neet alling es gas aanwezig wor mè hee sjtong och nog op de buhne es ballitdaanseres. En dat ging um good aaf. Och Vorst Jos verrasde d'r zaal mit zieng èct es kloon Popov en mit ing oetveuring van Circus Renz op Xylofoon. Oad-Preens Robert Dautzenberg sjitterde es kandidaat - dirigent bie 'Maestro' oe och d'r Armand Opreij an mitdoog en Oad-Preens Jack de Roo begeleidde d'r Willy Huppertz mit ziene solo van Der Alte Dessauer. Kartoesj en d'r Frans Crooneberg makde d'r middig kompleet.
De Sjravelerre zunt ut sezoen begonne wie gewend op d'r aovend vur 11e van d'r 11e. D'r Christian va Voere en Saskia Theunisz sjlooëte ut oad Karnevalsjaor aaf en um exact twelluf oor keem d'r gaande Raod van Illuf, same mit Prins Matthijs I en JeugPreens Damien I in vol ornaat binne op de toeëne van ut leedsje Majefiek um ut nuuj Karnevalssezoen te vere. Natuurlik ontbrook och d'r Sjampanje neet. Och de Oad-Preense worre van de partiej. Nao un hiel gezellig Oad-op-Nuuj wor ut d'r zotterdig d'rop in Tebannet te doe. Karneval zoonder Grenze is eeder jaor de euëpening van ut Karnevalsjaor oe alle verenigingen oet de grenssjtreeëk zich wer treffe.
De roette vur d'r Groete Optoch is bekind ! Nao lang wikke en wège, en good loestere wat de Karnevalsveerdersj va Mhèèr zelf d'rvan deenke zunt veer es K.V. de Sjravelerre tot de volgende optochroette gekomme:
Opsjtille in Oonder-Mhèèr bie de Sjmidse en de Kattesjtraot, mit de naas op Bovvene-Mhèèr aa
Da d'r Hoesbèèrig op
Booëve bie de Keerik rèèchsum d'r Plei drieje, de Jong Hage op richting Tebannet
De Imstenraedtlaan in en da rèèchsop langs de bejaarde en dan leenksaaf richting d'r Hecker
Bie ut Vruwke Sjtèèn rèèchsaaf de Duuvelsjtraot aaf pus bie d'r Proompersj en dao umdrieje
Van dao-oet wer truuk via de Nuujsjtraot nao d'r zaal
Op 10 november, an d'r veuraovend van ut nuuj Karnevalssezoen wurd in Kaffie Quaante wer os Oad-op-Nuuj gehoate. Eederèèn is dan van harte welkom um same mit os Preenses Trudy I en os JeugPreenses Catharina I ut nuuj sezoen in te luuje mit unne knatsjgekke aovend mit zaank, lol en sjpas. Um twelluf oor zal dan natuurlik mit champagne getoast were op d'r sjtart van ut nuuje seizoen.
Meziek gedriejd door d'r Marc en d'r Tom plus optrèèjes van oonder aandere d'r Christian va Voere , d'r Jos en Marleen Rutten zalle d'r vur zurrege dat d'r zommer oet d'r kop gèèt en ut vizier gerich kin were op de kommende Vastenaovend. Ut begint um un oor of hof neuëge en zal dore pus dat ut nuuj Karnevalssezoen ech an de geng is...
Eedere deelnummer an d'r Groete Optoch van de Sjravelerre va Mhèèr op Karnevalsmondig is verplich um zich in te sjrieve. Dat kint op Karnealszotterdig vanaaf aach oore saoves in Café Quaante dur ut insjriefformeleer in de Sjravelerre dao in te lievere bie Vorst Jos en d'r Notaris. Es deer mit wilt doe an d'r optoch mot deer op de huugte zie van ut Optochrèèglemèènt. Es deer dat neet mie gaans oet d'r kop kint, klik dan op de foto van Preenses Trudy I hie-booëve en da kump ut optochrèèglemèènt nao veure.
| Preens Jim I & Preenses Kim I |
Ieërevorst: Frans van Proemeren | |
| Raod van Illuf: | Lede: | |
| Vorst & Veurzitter: Jos Senden | Marleen Snoeck | |
| Sekretaris: Fons Bastings | Trudy Weusten | |
| Piet Beckers | Saskia van Dijk (Penningmèèster) | |
| Maurice Beckers | ||
| Tom Caelen | Iere-lid: | |
| Mark Gubbels | Peter van Hasselt | |
| Roy van Gerven | ||
| Stan Goessens | ||
| Jack van Laar | ||
| Patrick Quanten | ||
| Jeroen Retrae | ||
| Bjorn Schetters | ||
| Matthijs Spauwen | ||
| Jos Stikkelbroek | ||
| Mark Soudant | ||
| Luc Vandewall | ||
| René Willems | ||
| Robby Wouters |
