Bekiek hie de oetzendinge van Sjravelerre Tillevies:
Waffelaksie 18 dec. 2021
Opsjtarte van ut seizoen
Sjpek en ei wurksjop op Karnevalszoondig
Ut nuujs van Karnevalszotterdig 13 fib. 2021
Ut nuujs van 6 fib. 2021
Ut nuujs van 6 fib. 2021
Intervjoew mit Oad-Preenses Marleen I van 2010 (02-02-2021)
Ut nuujs van 30 jan. 2021
De live oetzending van Sjravelerre Tillevies op d'r èègelikke daag van de Groete Zitting 23 jannewarie 2021 in 3 dèle.
Ut nuujs van 16 jan. 2021
Intervjoew Frans van Proemeren (10-01-2021)
Ut nuujs van 9 jan. 2021
Sjraveleriej van 3 jan. 2021
Ut nuujs van 2 jan. 2021
Extra nuujsoetzending (20 dec.)
Aaflievering 2 (14 nov.)
Aaflievering 1 (7 nov.)
Leeës ut litste nuujs in de Sjravelerre Gezit.
Klik op de leenks.
Klik op ut logo um d'r nuuje sjlager: "D'r Hoesbèèrg" te downloade.
Op zoondig 15 jannewarie is d'r nuuje JeugPreens van de Sjravelerkes oetgerope. En dat is gewore: Preens Mathijs d'r Twiede !!! Preens Mathijs gèèt normaal gesjprooëke dur ut leeëve es Mathijs Lemlijn. Owste zooën van os Oad-Preensepaar Ronny I en Marleen II. Zieng hobby's trommele bie de sjötteriej, mithellepe op de boerderiej van d'r noonk en bidongs oprape bie ut fietsrenne zal heë noe effe an d'r kaant sjuuve um zich gaans te richte op zieng nuuj taak: JeugPreens zie van de Sjravelerkes va Mhèèr.
In unne bomvolle narretempel in Mhèèr is JeugPreens Mathijs II oetgerope nao ing hiel fieng Jeugzitting mit, dur en vur keender oet èège dörp en van wier weg. Ut presentaassietrio Sam, Noor en Veronique leide ut publiek op ing hiel leuke maneer dur de optrèèjes heen. An ut einde van dis optrèèjes wor ut dan zoewiet um aafsjeid te neme van JeugPreenses Catharina I en nao de pauze woerd heur nèèfke es JeugPreens Mathijs II oetgerope. Preens Mathijs zal de jeug mit de Vastenaovend veurgoe mit ing fieng Preensemutsj mit driej vèère, ing van Preens Ronny I, ing van Preens René III en ing van Preens Yvo I va Voere.
ALAAF JEUGPREENS MATHIJS II
Illuf jaor gelèèje is d'r Mark Soudant lid gewore van os Karnevalsvereniging. In d'r loap der jaore hat hee zich enorm ingezat vur de Vastenaovend in os Sjravelerre-riek, dao how hee gaar gène inburgeringscursus vur nuuëdig. Vurnaamste taak van d'r Mark is op dit memèènt de organisaassie van d'r Groete Optoch en alles wat dao umheen hink, en ich kin uch vertille: dao hink gaans get umheen ! Deenk mer ins an alle veilighèèdsveursjrifte die onnoch ins eeder jaor veraandere, verkiersrègelerre, umleidinge, geluidsveursjrifte en neum mer op. D'r mArk hat dat gaans oonder kontrol zoedat ver es Sjravelerre zoonder zurg ozze optoch kinne hoate. Groetste meujlikhèèd van d'r Mark is eeder jaor ut oontciefere van ut bord op d'r bieljart bie ut insjrieve vur d'r optoch op zotterdigaovend. Want d'r Vorst en d'r Notaris kinne dao wal unne hoap flauwe kul oethole mè d'r Mark mot dao och nog oet kinne opmake wèè noe oeteindelik allemaol in d'r optoch mitgèèt.
Wie gezaag is d'r Optoch ing van de groetste take van d'r Mark binne os vereniging, mè dao neeëve hult è zich och bezig mit de Preenseweggel, is è bie d'r boewploog en neum mer op.
Och de Jolanda is unne echte Sjraveler gewore in al die jaor. Zie zit noe names de Karnevalsvereniging in de organisaassie van de Vrolluujzitting die inmiddels wiet en ziet bekind is. En dat d'r appel neet wiet van d'r boam vilt hub veer in 2015 kinne zie wie hunne jong d'r Damien JeugPreens wor. JeugPreens Damien d'r Uursjte wor bekaans neet te sjtoppe mit de Vastenaovend en es veer nao dat aander menneke kieke da wèèt veer zekker dat dèè och ooit d'r Sjravelerre-scepter gèèt zjwejje uvver Mhèèr, is ut neet es JeugPreens da wurd è wal Groete Preens.
Mark en Jolanda: names de gaanse vereniging mè och names ut gaanse dörp: Proficiat mit eur jubileum en lot veer hooëpe dat veer nog hiel get jaore in os vereniging van de partiej zet. Daanke !!
Aafgeloape zotterdig, 26 november, zunt de Sjravelerre bie de gemeensjappelikke Preensebal van de Boemelaire va Sint Meerte, de Djimmers va Moelege ende Böschuulle va Teuve gewes. Umdat dat de litste aktevetèèt wor vurdat veer ing kling advèèntespauze hoate hub veer dao nog ins fleenk gaas gegeëve. Preenses Trudy hat dao zelf nog mitgeheld mit heur ow bekinde van Déjà Vu. Veer howwe allemaol ut geveul of veer die al ins gezie howwe, Déjà Vu.Och os JeugPreenses Catharina wor prezèènt op dit fiës, vur heur zunt zoe bieteke de litse kiere van oettrikke aangebrooëke wantzoewie deer wit zal Preenses Catharina al op zoondig 15 jannewarie aaftrèèje.
Aal bie aal wor ut unne geweldige Karnevalsaovend en ut deech os och good dat de organizerende vereniging, de Boemalaire va Sint Meerte wer truuk in èège dörp zunt mit hun aktevetèète en dat de luuj va Sint Meerte neet mie gaans nao d'r zaal i Moelege hoeve. Want os och hiel good deech is dat de Boemelaire wer gaans truuk zunt en dat ze d'r tengesjlaag van vurrig jaor wer gaans te bove zunt. Veer wète wie dat is...
Noe d'r advèèntstied is aagebroëke zalle de Sjravelerre zich è bieteke keduuk hoate en pas nao Nuujjaor wer beginne an d'r weeg nao Vastenaovend 2017.
Preenses Trudy an de geng mit Déjà Vu. En later op d'r aovend troojt onnoch een of aander komies duo op !
O
p d'r daag van de sjlipjach zunt veer saoves noch op pad gewes nao Karneval zoonder Grenze, ut jaorlikse eupeningsfies vur de Karnevalsvereniginge oet de regio. Nao unne lange sjlipjach-daag hub veer os in Segietere kustelik geammezeerd en hubbe os Prinsesse nao unne lange Zommer hun collega-Preense en -Preensesse wer ins kinne zie. En alle Raode van Illuf hubbe d'r sjtub oet hun Raodspakke kinne sjpringe.
| Preens Jim I & Preenses Kim I |
Ieërevorst: Frans van Proemeren | |
| Raod van Illuf: | Lede: | |
| Vorst & Veurzitter: Marc Gubbels | Saskia van Dijk (Penningmèèster) | |
| Sekretaris: Fons Bastings | Marleen Snoeck | |
| Guy Bastings | Trudy Weusten | |
| Piet Beckers | ||
| Maurice Beckers | ||
| Tom Caelen | ||
| Baudouin Clairbois | Iere-lid: | |
| Roy van Gerven | Peter van Hasselt | |
| Stan Goessens | ||
| Jack van Laar | ||
| Patrick Quanten | ||
| Jeroen Retrae | ||
| Bjorn Schetters | ||
| Jos Senden | ||
| Matthijs Spauwen | ||
| Jos Stikkelbroek | ||
| Mark Soudant | ||
| Luc Vandewall | ||
| René Willems | ||
| Robby Wouters |
