Veuraaf an de Ow Wieverbal is och dit jaor ing Preenserussepsie. Dis russepsie is bedoelt um Preens Jim I en Preenses Kim I en och JeugPreens Joep I offisjeel te kinne felicitere vur de luuj die dao nog ging kaans vur hubbe gehad nao hun oetrope. Da deenk veer oonder aandere an de famillie en collega's die neet op de zitting hubbe kinne zie mè èègelik an eederèèn dèè os Hoeglustighèède nog ins de haand wille sjudde en ing goj Vastenaovend wille toeweunsje. Dat kint dan vanaaf hof neuëge pus un oor of hof tiën.

Op Karnevalsvriedig aovend is altied de Ow-Wieverbal van de Sjravelerre. Dat vind ummer plaatsj in Kaffie Quaante. Um un oor of hof tieën zal ut dao loosgoe. Momme, Ow-Wiever en aander waal of neet verkli-jde kinne zich dan oetlève op dis owwerwitsje Ow-Wieverbal. Um un oor of illuf opilluf (11.11o.) saoves zalle Preens Jim I en Preenses Kim I en och JeugPreens Joep I de pries bekind make en kinne de maskes aaf. Daonao kint nog fleenk drop los gezonge en gesjpronge were want ut is dan nog lang neet gedoe.