De nuuj maotrègele die aafgeloape mondig zunt opgelaach hubbe d'r vur gezurgd dat de Sjravelerre kommende zotterdig neet mit de Waffelaksie langs g'n deure kinne goe. Tja, èègelik hej dat waal gekind esse sjtrikt nao de règelkes loors, mè veer vene ut toch versjtendiger um dat neet te doe.

Wie veer ut gaanse jaor al zigke: De gezoondhèèd van de luuj gèèt vúr alles !

Veer deenke natuurlik och an de gezoondhèèd van os èège lede en daomit wil veer ut os lede neet aandoe um d'r kommende tied alling mer waffele te motte eëte.

Um noe neet mit unne gaanse vrachwagel waffele te blieve zitte beej veer uch de meugelikhèèd um de waffele bie os te besjtille en da zurge veer dat die bie uch komme. Besjtille kint via ie-mee adres; Dit e-mailadres wordt beveiligd tegen spambots. JavaScript dient ingeschakeld te zijn om het te bekijken., via tillefoonnummer 043 - 457 2431 of dur è berichske op os Feesboek pagina te zitte.

Gef effe aan wieveul van welke waffele deer gan zowt wille hubbe. En och ezzebleef effe aangeëve wie deer zowt wille betale: kontaant of per baank, of mit è betaalverzoek, of mit è tikkie of gaar neet, mè da kriet deer och ging waffele...

Besjtille hoef neet per sé vúr 19 deessèmber mè ut leefste waal vúr 31 deessèmber.

Ut besjtèèt och nog de meugelikhèèd um de waffele aaf te hooële bie d'r Piet Beckers, Op 't Hövelke 9.

De waffele kòòste nog ummer € 3,= per pak en deer kint driej pakker kriege vur € 8,=