D'R GROETE OPTOCH TRIK HUUJ OET !!!
Volges de wèèrsvursjpellinge zal ut dizzemiddig druug blieve pus un oor of veer, hof vief en daonao gèèt ut rengene mit fleenke weendsjtoeëte. Dus es veer noe prussies um 11 op ing (13.11o,) kinne vertrikke mit d'r optoch, kom veer mesjie druug binne en kin veer in d'r zaal nog sjpas make en Karneval vere es ut boete rengent.
Dus veer vraoge alle deelnummersj an d'r optoch um op tied in OonderMhèèr te zie um op te sjtille vur d'r optoch. En mit op tied bedoele veer dan: oongeveer kwart vur ing.
Veer weunsje uch allemaol unne hiele fienge, druge optoch en hiel vööl sjpas !!
